އައްޑޫ ސިޓީގެ ދެރަށެއްގައި ފިޝަރީޒް މިނިސްޓްރީން ދޮށީ ކަނދުފަތިތަކެއް އަޅައިފި އެވެ.
ފިޝަރީޒް މިނިސްޓްރީގެ ކަނދުފަތި އަޅާ ޓީމުން މިހާރު ދެކުނުގެ އަތޮޅުތަކަށް ކުރަމުންދާ ދަތުރުގައި ކަނދުފަތި އަޅާފައިވަނީ، އައްޑޫ ސިޓީ އާއި ވިލިނގިލީގައެވެ.
ގަމު ކަނދުފަތި އެޅީ އިއްޔެއެވެ. އެ ކަނދުފަތި އަޅާފައިވަނީ، ގަމުގެ ހުޅަނގު ދެކުނުން 13 މޭލު ބޭރުގަ އެވެ. އެ ކަނދުފަތީގެ ނަންބަރަކީ، R09D03 އެވެ.
ވިލިނގިލީ ކަނދުފަތި، އެޅީ މިއަދު އެވެ. އެ ކަނދުފަތި އެޅީ، ވިލިނގިލީގެ އިރު ދެކުނުން 10 މޭލު ބޭރުގައެވެ. އެ ކަނދުފަތީގެ ނަންބަރަކީ، R09D02 އެވެ.