ފަރުމަސްވެރިކަމަށް ނިކުމެ އުޅެނިކޮށް ބަންޑުން ޖަހާލި ޑިންގީއެއް ކޯސްޓްގާޑުން ހޯދައިފި އެވެ.
ކޯސްޓްގާޑުން ބުނީ ތިން މީހުންނާއެކު ފަރުމަސްވެރިކަންކުރަން ނިކުމެ އުޅުނު ޑިންގީއެއް ބަންޑުން ޖަހާލި ކަމުގެ މައުލޫމާތު ލިބުނީ ހެނދުނު 06:11 ހާއިރު ކަމަށެވެ. އަދި، އެ ރިޕޯޓް ލިބުމާއެކު އެމްއެންޑީއެފް މާލެ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންއިން އެ ހޯދުމުގެ މަސައްކަތް ފެށިކަމަށެވެ.
ކޯސްޓްގާޑް ސެކަންޑް ސްކޮޑްރަންއިން ކުރި މަސައްކަތުން 09:32 ހާއިރު ހޯދާފައިވާއިރު، އޭގައި ތިބި ތިން މީހުން ވެސް ވަނީ ސަލާމަތްކޮށްފަ އެވެ. ތިން މީހުންގެ ހާލު ރަނގަޅުކަމަށް އެމްއެންޑީއެފްއިން ބުނެފައި ވެއެވެ.