ފަތަން ދަސްކޮށްދިނުމުގެ ޕްރޮގްރާމެއް ކުރިޔަށް ގެންދިއުމަށް މ. މުލަކުގެ ބަނދަރުގެ ދެކުނުފަޅި ވަގުތީ ގޮތުން ބަންދުކޮށްފި އެވެ.
މުލީ ކައުންސިލުން ބުނީ، ބަނދަރުގެ ދެކުނު ފަޅި ވަގުތީ ގޮތުން ބަންދުކުރަނީ ކައުންސިލާއި، މުލީ ޕޮލިސްސްޓޭޝަނާއި، މުލީ ރީޖަނަލް ހޮސްޕިޓަލާއި، މ.އަތޮޅު ތަޢުލީމީ މަރުކަޒު ގުޅިގެން، ސުކޫލުގެ ދަރިވަރުންނަށް ކުރިއަށްގެންދާ ފަތަން ދަސްކޮށްދިނުމުގެ ޕްރޮގުރާމަށް އެ ސަރަހައްދު ބޭނުންކުރުމަށް ނިންމާފައިވާތީ ކަމަށެވެ.
މުލީ ކައުންސިލުން ބުނީ، މިއަދުން ފެށިގެން މިމަހުގެ29 ވަނަ ދުވަހުގެ ނިޔަލަށް، ބަނދަރުގެ ރަންކޮކާމަގުން ފެށިގެން ޗާޓުގައި ފާހަގަކޮށްފައިވާ ސަރަހައްދު ބަނދަރުގައި އެއްވެސް އުޅަނދެއް އަޅާފައި ބޭއްވުމަކީ މަނާކަމެއް ކަމަށެވެ.