ވައިގަދަވާނެކަމަށް ލަފާކޮށް މޫސުމާބެހޭ ގައުމީ އިދާރާއިން ޅ. އަތޮޅުން ފ އަތޮޅާހަމަޔަށް ހުދު ސަމާލު ނެރެފި އެވެ.
09:30 އިން 15:30 އަށް މިއަތޮޅުތަކަށް ހުދު ސަމާލު ނެރެފައިވަނީ، ވިލާގަނޑުގައި 35 މޭލަށް ވައި ގަދަވާނެކަމަށް ލަފާކޮށްނެވެ. މިއަތޮޅުތަކަށް ގުގުރުމާއެކު ބޯކޮށް ވާރޭވެހޭނެކަމަށްވެސް ލަފާކޮށްފައި ވެއެވެ.
ހަވީރު 06:00 އާ ހަމަޔަށް މޫސުން ކުރިޔަށް ލަފާކޮށް މޫސުމާބެހޭ ގައުމީ އިދާރާއިން ބުނެފައިވަނީ، އުތުރާއި މެދު ރާއްޖެތެރޭގެ އެކި ހިސާބަށް ވިއްސާރަކުރާނެ ކަމަށާއި، ބައެއް ރަށްތަކަށް ގުގުރުން އެކަށީގެންވާކަމަށެވެ. އަދި، ދެކުނުގެ ބައެއް ރަށްތަކަށް، ކެރީގެ އަސަރު ފޯރާނެކަމަށްވެސް ލަފާކޮށްފައި ވެއެވެ.
ވައިޖެހޭނެކަމަށް ލަފާކޮށްފައިވަނީ، ހުޅަނގާއި ހުޅަނގު އުތުރުން، ގަޑިއަކު 8 މޭލާއި 18 މޭލު ދެމެދުގެ ބާރުމިނުގައެވެ. އަދި، ވިލާ ގަނޑުގައި ގަޑީއަކު ގާތްގަނޑަކަށް 35 މޭލަށް ވައިގަދަވުން އެކަށިގެންވާކަމަށް އެއިދާރާއިން ބުނެފައިވެއެވެ.
މިއަދު ރާއްޖޭގެ ހުރިހައި ހިސާބަކަށްވެސް، ކަނޑު އާދައިގެ ވަރަކަށް ގަދަ އެވެ. މެޓް އޮފީހުން ބުނީ ވިލާގަނޑުގައި ގަދަވާނެކަމަށާއި،ރާޅު ނަގާނީ 6-3 ފޫޓް އުސްމިނުގައިކަމަށެވެ.