ރާއްޖޭގައި ފީނައިގެން އެންވެރިކަން ކުރާ ކޮންމެ އޮޑިއަކުން މަދުވެގެން އެއް ފަޅުވެރިއަކު ރެސްކިއު ޑައިވަރ ފެންވަރަށް ތަމްރީނު ކުރުމަށް ފިޝަރީޒް މިނިސްޓްރީން ހިންގާ ޕްރޮގްރާމުގެ ދަށުން ގއ. ދެއްވަދޫ 7 ދޯނިން 7 ފަޅުވެރިއަކު ރެސްކިއުޑައިވަރ ކޯސް ފުރިހަމަކޮށްފި އެވެ.
ގއ. ދެއްވަދޫއިން ކޯސް ފުރިހަމަކުރި މަސްވެރިން.
1. އަލީފު މުޙައްމަދު/ ކުރިމަގު 2
2. ރަމްޒީން މުޙައްމަދު/ ކުރިމަގު
3. މުޙައްްމަދު ސަވާދު/ ސަވާރީ
4. އަޙްްމަދު ޒާހިރު/ ފަހިމަގު
5. ޙަސަން ވަޙީދު/ މަސްކުރަނގި
6. ހަސަން ޤަދީރު / ދަރުމަ
7. ހާޝިމް ޢަބްދުﷲ/ ސަންޓާނާ
ރެސްކިއު ޑައިވަރ ކޯސް ކުރިއަށް ގެންދިއުމަށް ގއ. ދެއްވަދޫ ކައުންސިލާ އިދާރާތަކުން ފިޝަރީޒް މިނިސްޓްރީއަށާއި، އިންސްޓްރަކްޓަރަށް ދިން އެއްބާރުލުމާ އެހީތެރިކަމަށް ފާހަގަކޮށް މިނިސްޓްރީން ވަނީ ޝުކުރު އަދާކޮށްފަ އެވެ.
ރެސްކިއު ޑައިވަރ ކޯހަކީ، ރައީސް ޑރ. މުޢިއްޒު ކަނޑައަޅުއްވާފައިވާ މަސްވެރި ކޮންމެ އުޅަނދެއްގައި ތަމްރީން ލިބިފައިވާ ރެސްކިއު ޑައިވަރަކު ބެހެއްޓުމުގެ ސިޔާސަތު ތަންފީޒު ކުރުމަށް ވުޒާރާއިން ކުރަމުންދާ މަސައްކަތުގެ ތެރެއިން ކުރިޔަށް ގެންދާ ޕްރޮގުރާމެކެވެ. މި ޕްރޮގްރާމްގެ ފުރަތަމަ ބުރުގައި 50 މަސްވެރިއަކު ތަމްރީން ކުރުމަށް ހަމަޖެހިފައި ވާއިރު، ފަޅުވެރިންނަށް ތަމްރީން ދެނީ ރާއްޖޭގައި ޑައިވް އިސްޓްރަކްޓަރ ކޯސް ހަދާފައި ތިބި ފަންނުވެރިންނެވެ.