ވިއެޓްނާމުން، ދިވެހި ރާއްޖޭގެ މެރިކަލްޗަރ ދާއިރާގައި އިންވެސްޓްކުރުމަށް ހުރި ފުރުސަތުތަކާ ގުޅޭ ގޮތުން މަޝްވަރާކޮށްފި އެވެ.
މި މަޝްވަރާތައް ކުރިޔަށް ގެންދިޔައީ، ވިއެޓްނާމުން ރާއްޖެއަށް ކަނޑައެޅުއްވި އާ ސަފީރު، ޓްރިންހް ތީ ޓާމް އާއެކު ފިޝަރީޒް މިނިސްޓަރު އަހްމަދު ޝިއާމް ބޭއްވެވި ބައްދަލުވުމެއްގަ އެވެ. މި ބައްދަލުވުން އޮތީ މިއަދު ފިޝަރީޒް މިނިސްޓްރީގަ އެވެ. މި ބައްދަލުވުމުގައި ސަފީރުގެ ވަފްދާއި، ފިޝަރީޒް މިނިސްޓްރީގެ ބައެއް އިސްވެރިން ބައިވެރިވަޑައިގެންނެވި އެވެ.
Highlights from the Minister Ahmed Shiyam’s meeting with the Ambassador of the social republic of Vietnam to the Maldives , Her Excellency Trinh Thi Tam. pic.twitter.com/7J747siLKa
— Ministry of Fisheries and Ocean Resources (@MFORmv) September 11, 2024
މި ބައްދަލުވުމުގައި މައިގަނޑުގޮތެއްގައި މަޝްވަރާ ކުރެއްވީ، ރާއްޖޭގެ މަސްވެރިކަމުގެ ސިނާއަތު ކުރިއެރުވުމަށް ވިއެޓްނާމުން އެއްބާރުލުން ދިނުމަށް ކުރެވިދާނެކަންތައްތަކާ ގުޅޭގޮތުންނެވެ. އެގޮތުން، ދިވެހިރާއްޖޭގެ މެރިކަލްޗަރ ދާއިރާގައި އިންވެސްޓްކުރުމުގެ ފުރުސަތުތަކާ ބެހޭގޮތުން މަޝްވަރާކުރައްވާފައި ވެއެވެ.
ވިއެޓްނާމްގެ ސަފީރަކީ ނޮން-ރެސިޑެންޓް ސަފީރުގެ ގޮތުގައި ރާއްޖެއަށް ކަނޑައަޅުއްވާފައި ހުންނަވާ ސަފީރެކެވެ. ވިއެޓްނާމް ސަފީރު ހުންނަވާނީ ސްރީލަންކާގައެވެ. ވިއެޓްނާމްގެ އާ ސަފީރު ރާއްޖެ ވަޑައިގެން އުޅުއްވަނީ، ސަފީރުކަމުގެ ފަތްކޮޅު އެރުވުމަށަވެ. މިދިޔަ އާދީއްތަދުވަހު ސަފީރުކަމުގެ ފަތްކޮޅު އެރުވުމަށް ބޭއްވި ރަސްމިއްޔާތަށްފަހު، އެކަމާވަނީ ރައީސް ޑރ. މުއިއްޒުއާ ބައްދަލުކުރައްވާފަ އެވެ. އެ ބައްދަލުކުރެއްވުމުގައި ދެޤައުމުގެ ގުޅުން އިތުރަށް ބަދަހިކުރެވިދާނެ ދާއިރާތަކާ ގުޅޭގޮތުން ދެ ބޭފުޅުން މަޝްވަރާކުރެއްވި ކަންކަމުގެ ތެރޭގައި މަސްވެރިކަމުގެ ދާއިރާ ހިމެނެއެވެ.