އުތުރާއި މެދުރާއްޖެތެރޭގެ އެކިހިސާބަށް މިއަދުވެސް ވިއަސާރަކުރާނެ ކަމަށް މޫސުމާ ބެހޭ ގައުމީ އިދާރާއިން ބުނެފި އެވެ.
އެ އިދާރާއިން މޫސުން ލަފާކޮށް ބުނެފައިވަނީ އުތުރާއި މެދުރާއްޖެތެރޭގެ އަތޮޅުތަކަށް މިއަދު ވިއްސާރަކުރާނެކަމަށާއި، އެ ސަރަަހައްދުގެ ބައެއް ރަށްރަށަށް ބޯކޮށް ވާރޭވެހުންވެސް އެކަށިގެންވާކަމަށެވެ. އަދި، ދެކުނުގެ ބައެއް ރަަށްތަކަށް ކެރީގެ އަސަރު ފޯރާނެކަމަށްވެސް ބުނެފައި ވެއެވެ.
މެޓް އޮފީހުން ބުނީ، ދެކުނުގެ އަތޮޅުތަކަށް ދެކުނާއި ހުޅަނގުދެކުނުން ގަޑިއަކު 3 މޭލާއި 10 މޭލާ ދެމެދުގެ ބާރު މިނުގައި އަދި އެހެން ހިސާބުތަކަށް ހުޅަނގުދެކުނާއި ހުޅނގުން، ގަޑިއަކު 8 މޭލާއި 18 މޭލާ ދެމެދުގެ ބާރުމިނުގައި ވައިޖެހޭނެކަމަށެވެ. އަދި، ވިލާގަނޑުގައި ގަޑިއަކު ގާތްގަޑަކަށް 30 މާލަށް ވައިގަދަވުން އެކަށީގެންވާކަމަށް ބުނެފައިވެއެވެ.
މެޓް އޮފީހުން ބުނާގޮތުންނަމަ، ދެކުނުގެ ކަނޑުތައް މިއަދު އާދައިގެ ވަރަކަށް މަޑުވާނެއެވެ. އަދި، ރާޅު ނަގާނީ 1-3 ފޫޓު އުސްމިނުގައި ކަމަށް ލަފާކޮށްފައި ވެއެވެ.
ރާއްޖޭގެ އެހެން ހިސާބުތަކަށް މިއަދު ކަނޑުތައް އާދައިގެ ވަރަކަށް ގަދަވެފައި، ރާޅު ނަގާނީ 2-5 ފޯޓް އުސްމިނުގައިކަމަށްވެސް މެޓް އޮފީހުން ލަފާކޮށްފައި ވެއެވެ.