ކ. ހުވަފެންފުށި ދެކުނުން ހިއްކާފައި އޮންނަ، ފަސްގަނޑަށް އިއްޔެ ދަތުރު ގޮސް އުޅުނު މީހަކު ގެއްލިގެން ފުލުހުން ހޯދަން ފަށައިފި އެވެ.
އާއިލާއިން ގެއްލިފައިވާ ކަމަށް ރިޕޯޓުކުރުމާއި ގުޅިގެން ފުލުހުން ހޯދަމުންދަނީ، މާލެސިޓީ، މ. އަސަރީހަނދާން، ތަސްލީމް މުޙައްމަދު (43އ) އެވެ.
”އޭނާ އެންމެފަހުން ފެނިފައި ވަނީ އިއްޔެ 10:00 އާއި 11:00 ހާއިރު ކަމަށް އޭނާއާއެކު ދަތުރުދިޔަ މީހުން ފުލުހަށް މައުލޫމާތުދީފައިވޭ.“ ފުލުހުން ބުނެފައި ވެއެވެ.
ފުލުހުންނާއި އޭނާގެ އާއިލާއިން ވަނީ އޭނާ ގެއްލުނުކަން ހާމަކޮށް އޭނާއާ ބެހޭ އެއްވެސް މައުލޫމާތެއް ލިބިފައިވާނަމަ ހިއްސާކޮށްދިނުމަށް އެދިފަ އެވެ. ފުލުހުން ބުނީ، އޭނާއާ ގުޅޭ އެއްވެސް މައުލޫމާތެއް ލިބިފައިވާނަމަ ނުވަތަ އޮގަސްޓު 29 އަދި 30ވަނަ ދުވަހު އެ ފަސްގަނޑަށް ދަތުުރުދިޔަ ބަޔަކުނަމަ، އެކަން ހިންމަފުށި ޕޮލިސް ސްޓޭޝަންގެ ނަންބަރު (9794639) އަށް ގުޅާ ހިއްސާކުރުމަށް އެދޭކަމަށެވެ. ތަސްލީމްގެ އާއިލާއިން ވަނީ އޭނާއާ ބެހޭ އެއްވެސް މައުލޫމާތެއް ލިބިއްޖެނަމަ 7433331 އަށް ގުޅާ މައުލޫމާތު ފޯރުކޮށް ދިނުމަށް އެދިފަ އެވެ.