މިފްކޯގެ ސީއީއޯ އަހްމަދު ޝަމާހް ރަޝީދު ވީތަނެއް ނޭނގިގެން ހޯދަމުން ދަނިކޮށް އެ ބޭފުޅާ މާލޭގައި ހުންނެވިކަން އެނގިއްޖެ އެވެ.
ސީއީއޯ ޝަމާހް ވީނުވީތަނެއް ނޭނގި ގެއްލިގެން މަސްވެރިން ހޯދަމުންދަނީ މިއަދު ހެނދުނުން ފެށިގެންނެވެ. މަސްވެރިންގެ ކަންތައް ހައްލުވަންދެން މަސްވެރިންނާއެކު ހުންނަވާނެ ވައުދު ރޭ ވެވަޑައިގެންފައި މިއަދު ޚިޔާލު ބަދަލުކޮށްލަން ބަލާލިއިރު ސީއީއޯ ގެއްލިއްޖެ ކަމަށް މަސްވެރިން ހެނދުނު ބުންޏެވެ.
ސީއީއޯ ޝަމާހް ހުރީ މާލޭގައި ކަން ކަށަވަރުވީ ދެންމެ ނޫހެއްގެ ޚަބަރަކުންނެވެ. މިފްކޯގެ ބޭފުޅަކާއި ހަވާލާދީ އެނޫހުގައި ލިޔެފައިވާ ގޮތުގައި މިހާރު އެބޭފުޅާ ހުންނެވީ މާލޭގަ އެވެ. އަދި މިހާރު ބުރަކޮށް އުޅުއްވަނީ މަސްވެރިންނަށް ފައިސާ ދިނުމުގެ ކަންކަން ޕްރޮސެސް ކުރެއްވުމަށް ކަމަށެވެ. އެހެންނަމަވެސް މާލެ ވަޑައިގެންނެވީ ކޮންއިރަކުކަމެއް ހާމަކޮށްފައެއް ނުވެއެވެ.
https://sauvees.com/6200/
ކޫއްޑޫ ތިބި މަސްވެރިންނާ މިކަން ހިއްސާކޮށްލުމުން މަސްވެރިން މިކަން ނެގީ ބޮޑު ޖޯކަކަށެވެ. ކެޔޮޅާއާ ވާހަކަ ދެއްކި ކެޔޮޅު ބުނީ، ކޫއްޑޫ ފެކްޓަރީ ވެރިންނަށްވެސް، މަސްވެރިންނަށްވެސް ފުރައިގެން ދިޔަކަމެއް ނޭނގޭ ކަމަށެވެ.
”ވަރަށް ހޯދިން. މިފަދަ ދަނޑިވަޅެއްގައި ވީނުވީއެއް ނާންގާ ދިޔައިމަ އަހަރުމެން މިތިބީ އެކަމާ ވަރަށް ކަންބޮޑުވެފައި. އަސްލުވެސް އަހަރުމެން ހީކުރީ ގެއްލުނީ ކަމަށް. ފުޅި އަޅައިގެން ޑައިވީނަށްވެސް ދާން އުޅުނިން. މާލޭގަ އެބަހުއްޓޭ ބުނީމަ ބުނެލަން އޮތީ… ވަރަށް ދޮގު ހަައްދަވާފަ އެ ވަޑައިގެންނެވީ. އަހަރުމެން ކައިރީ 119 މިލިއަން ހަމަޖެހިއްޖެއޭ ކިޔާފައި ދިޔައީ. މިހާރު މިފްކޯއިން އެބަބުނޭ 70 މިލިއަނޭ ދޫކުރާނީ. ތާކުން ތާކު ނުޖެއެއްނު މި ދައްކާ ވާހަކަ.“ ކެޔޮޅު ބުންޏެވެ.
ކެޔޮޅު ބުނީ ހައްދަން ކިތަންމެ ވާހަކައެއް ސަރުކާރުން ނުވަތަ މިފްކޯއިން ދެއްކިއަސް މަސްވެރިންނަށް ދޭން ހުރި ފައިސާ އެއްކޮށް ނުދެނީސް ކޫއްޑޫން ނުފައިބާނެ ކަމަށެވެ.