މިއަދު ރާއްޖޭގެ އެކިހިސާބަށް ވިއްސާރަކޮށް ގުގުރުން އެކަށީގެންވާކަމަށް މޫސުމާބެހޭ ގައުމީ އިދާރާއިން ބުނެފި އެވެ.
މެޓް އޮފީހުން ބުނީ، ދެކުނާއި ހުޅަނގުދެކުނުން ގަޑިއަކު 05 މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެކަމަށެވެ. އަދި، ވިލާގަނޑުގައި ގަޑިއަކު ގާތްގަޑަކަށް 30 މޭލަށް ވައިގަދަވާނެކަމަށް ލަފާކުރެވޭކަމަށެވެ.
މީގެއިތުރުން، ކަނޑުތައް އާދައިގެވަރަކަށް މަޑުވާނެކަމަށާއި، ވިލާގަނޑުގައި އާދައިގެވަރަކަށް ގަދަވާނެކަމަށް ބުނެފައިވެއެވެ. ރާޅު ނަގާނެކަމަށް ލަފާކޮަށްފައިވަނީ 2-5 ފޫޓު އުސްމިނުގަ އެވެ.
މޫސުން ގޯސްވެ ރޭ ފަތިހުން އުތުރުގެ ސަރަހައްދަށް ހުދު ސަމާލު ނެރުނުވެ. ހއ އިން ބ އަތޮޅާ ހަމަޔަށް މު ނެރުނު އެ ސަމާލުގައި، އެސަރަހައްދަށް ގުގުރުމާއެކު ބޯކޮށް ވާރޭވެހި، 35 މޭލަށް ވައި ގަދަވާނެކަމަށް ލަފާކޮށްފައި ވެއެވެ. އެލާޓްގެ ވަގުތު 10:15 އަށް ހަަމަވެފައިވާއިރު، މިވަގުތު އެއްވެސް ސަރަހައްދަކަށް މޫސުމީ ސަމާލު ނެރެފައެއް ނެތެވެ.