ކަނޑުރަސްގެފާނަކީ، ފާނައިގެ ބާވަތްތަކުގެ ތެރެއިން ދިވެހިންގެ މެދުގައި ވަރަށް މަޝްހޫރު މަހެކެވެ. މިއީ ރޭގަނޑާއި ދުވާލު ފައްތައިގެން ކުރާ ކެޔޮޅު ކަމުގައި ގިނައިން ބޭނޭ މަހެކެވެ.
މި މަސް ގިނައިން އުޅެނީ ރަށްރަށާއި ފަރުފަޅުގެ ބޭރުން އުރަފަށާ ހަމައިގައެވެ. ކަނޑުގެ ތެރޭގައި އުޅޭއިރު ވަރަށް ބަލާހިތްވާ ރީތި މަހެކެވެ. މަހުގެ ކަރުތާފަތުގެ ކުރީބައި ހުންނަނީ ވަށްކޮށެވެ. މި ބައިގެ ތިރީގައި 3 ނުވަތަ 4 ކަށި ހުރެއެވެ. މަހުގެ ދެލޮލުގެ ދެމެދުގައި ހުޅުބެއް ނުހުރެއެވެ.
https://www.youtube.com/watch?v=hrqg1xEoGUc
މަހުގެ ޖިސްމާނީ ސިފަތައް:
– ބުރަކަށިމަތީ ކޮތަރިބައިގައި ހަރުކޮށް ހުންނަ 8 ކައްޓާއި، 11 މަޑު ކަށި ހުރޭ
– ކަންފަތުގައި 16 އާއި 18 އާ ދެމެދުގެ އަދަދަކަށް މަޑު ކަށި ހުރޭ
ކަނޑު ރަސްގެފާނު އަކީ ތަފާތު ދެ ކުލައެއްގައި ފެންނަ މަހެކެވެ. އެއް ބާވަތަކީ ހުދުކުލައިގެ މަހެއްގައި ރީނދޫކުލައިގެ ކޮތަރިބައި ހުންނަ ވައްތަރެވެ. މި ބާވަތުގައި ހުންނަ ކަޅުކުލައިގެ ލައްތަކުގެ އިތުރުން ނޫކުލައިގެ ތިކިތަކެއް މުޅި މަހުގައި ހުރެއެވެ.
އަނެއް ބާވަތަކީ މުށިކުލައިގެ މަހެވެ. މި މަހުގައި ވެސް ނޫކުލައިގެ ތިކިތަކެއް ހުރެއެވެ.
ކަނޑު ރަސްގެފާނަކީ ދިވެހި މަސްވެރިކަމުގައި މުހިންމު ދައުރެއް އަދާކުރާ، އަދި ދިވެހިންގެ ކެއުމުގައި ވެސް ވަރަށް މަޤުބޫލު މަހެކެވެ.
ސައިންޓިފިކް ނަން: Plectropomus laevis
އިނގިރޭސި ބަހުން: Black saddled coral grouper
މަސްދަރު: ފިޝަސް އޮފް ދަ މޯލްޑިވްސް، މޯލްޑިވްސް މެރިން ރިސާޗް ސެންޓަރ