މިރޭ ރާއްޖޭގެ އެކި ހިސާބަށް ވިއްސާރަ ކުރިނަަމަވެސް ކަނޑުތައް އާދައިގެ ވަރަކަށް މަޑުވާނެކަމަށް މޫސުމާ ބެހޭ ޤައުމީ އިދާރާ (މެޓް) އިން ލަފާކޮށްފި އެވެ.
މެޓް އޮފީހުން ބުނީ، ކަނޑުތައް އާދައިގެ ވަރަކަށް މަޑުވާނެކަމަށާއި، ވިލާގަނޑުގައި އާދައިގެވަރަކަށް ގަދަވާނެ ކަމަށެވެ. އަދި، ރާޅުގެ އުސްމިން ހުންނާނީ 2- 5 ފޫޓާއި ދެމެދުގައި ކަމަށް ލަފޭކުރެވޭކަމަށް ބުނެފައި ވެއެވެ.
ވައި ޖެހޭނެކަމަށް ލާފާކޮށްފައިވަނީ، ދެކުނުގެ އަތޮޅުތަކަށް އިރުދެކުނާއި ދެކުނުން އެހެން ހިސާބުތަކަށް ދެކުނާއި ހުޅަނގުދެކުނުން، ގަޑިއަކު 05 މޭލާއި 15 މޭލާ ދެމެދުގެ ބާރުމިނުގައެވެ. އަދި، ވިލާގަނޑުގައި ގަޑިއަކު ގާތްގަނޑަކަށް 30 މޭލުގެ ބާރުމިނަށް ވައިގަދަވާނެކަމަށް ވެސް ލަފާކޮށްފައި ވެއެވެ. މީގެ އިތުރުން އެކިހިސާބަށް ކެރީގެ އަސަރު ފޯރާ، ބައެއް ރަށްތަކަށް ގުގުރުން އެކަށީގެންވާކަމަށް މެޓް އޮފީހުން ބުނެފައި ވެއެވެ.
ފާއިތުވެ ދިޔަ ހަފުތާގައި މޫސުން ރަނގަޅަށް އޮވެފަ، މިރޭ ކުއްލިޔަކަށްވަނީ ވިއްސާރަވެފައެވެ. މާލެ ސަރަހައްދަށް މިރޭ ބޯކޮށް ވާރޭވެހިފައިވާއިރު، މާލޭގެ ބައެއް ސަރަަހައްދުގައި ފެންވެސް ބޮޑުވި އެވެ.