މެރިކަލްޗަރ އަށް ވަކި ޚާއްސަ ސަރަހައްދުތަކެއް ކަނޑައެޅުމުގެ މަސައްކަތް ކުރަމުން އަންނަކަމަށް ފިޝަރީޒް މިނިސްޓަރު އަހްމަދު ޝިޔާމް ވިދާޅުވެއްޖެއެވެ.
ބުދަ ދުވަހު ބޭއްވި ނޫސްވެރިންގެ ބައްދަލުވުމުގައި، ރާއްޖޭގެ މަސްވެރިކަމުގެ ސިނާއަތް ސިންދަފާތުކުރުމަށް ސަރުކާރުން ކުރަމުންދާ މަސައްކަތްތައް ހިއްސާ ކުރައްވަމުން މިނިސްޓަރު ވިދާޅުވީ، މެރިކަލްޗަރ ވަކި ސިނާއަތެއްގެ ގޮތުގައި ތަރައްގީކުރުމަށް ތައްޔާރުވަމުން އަންނަކަމަށެވެ.
ފިޝަރީޒް މިނިސްޓްރީން އިއްެޔެ ބޭއްވި ނޫސްވެރިންގެ ބައްދަލުވުމުގައި މިނިސަޓަރު ޝިޔާމް ވިދާޅުވީ، ރާއްޖޭގެ މަސްވެރިކަމުގެ ސިނާއަތު ސިންދަފާތުކުރުމަށްޓަކައި ވަރަށް ގިނަ މަސައްކަތްތަކެއް ކުރަމުން އަންނަކަމަށެވެ. އެގޮތުން، އެގެންނަ ބަދަލާއެކީ މެރިކަލްޗަރ ވަކި ސިނާއަތެއްގެ ގޮތުގައި ތަރައްގީކޮށް، މުސްތަގުބަލުގައި އެއީ ބޮޑު ސިނާއަތެއްގެ ގޮތުގައި ފެނިގެން ދާނެކަމަށެވެ.
މިނިސްޓަރ ވިދާޅުވީ، މެރކަލްޗަރ ވަކި ސިނާއަތެއްގެ ގޮތުގައި ކަނޑައެޅުމަށް ކުރެވޭ މަސައްކަތުގެ ދަށުން، ކަމާގުޅުންހުރި ފަރާތްތަކާއެކު މަސައްކަތްކުރެވި، އެކުއާކަލްޗާ ކުރެވޭނެ ހަތަރު ސަރަހައްދެއް ހޯދިފައިވާ ކަމަށެވެ. އަދި މިކަމާ ގުޅޭގޮތުން ވަޒީރުންގެ މަޖިލީހުގެ ލަފަޔަކަށް އެދިފައިވާ ކަމަށް މިނިސްޓަރު ވިދާޅުވި އެވެ.
