މޫސުމާބެހޭ ގައުމީ އިދާރާއިން ދެންމެ އުތުރުގެ ބައެއް އަތޮޅުތަކަށް އޮރެންޖް އެލާޓް ނެރެފި އެވެ.
އޮރެންޖް އެލާޓް ނެރެފައިވަނީ ހއ އިން ފެށިގެން ށ އަތޮޅާ ހަމަޔަށެވެ. މި ތިން އަތޮޅަށް އޮރެންޖް އެލާޓް ނެރެފައިވަނީ 08:30 އިން 10:30 އަށެވެ. އެލާޓް ނެރެފައިވާ ވަގުތުތަކުގައި މިއަތޮޅުތަކަށް ގުގުރުމާއެކު ބޯކޮށް ވާރޭވެހި ފެންބޮޑުވާނެކަމަށް އޮފީހުން ލަފާކޮށްފައި ވެއެވެ.
އުތުރުގެ އެހެން އަތޮޅުތަކަށް 08:15 އިން މެންދަމު 01:00 އޮތީ ޔެލޯ އެލާޓް ނެރެފައެވެ. މިއަތޮޅުތަކަށް އެލާޓް ނެރެފައުވަނީ ބޯކޮށް ވާރޭވެހުމާއެކު، ގުގުރުާނެކަމަށް ލަފާކޮށްނެވެ. އަދި، ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ގަދަވާނެކަމަށްވެސް ވަނީ ލަފާކޮށްފަ އެވެ.
ރާއްޖޭގެ އެކިކަންކޮޅުތަކަށް މިހާރު ކުރަމުންދާ މޫސުމީ ވިއްސާރައާއި ގުޅިގެން ކަމާގުޅޭ އިދާރާތަކުން ވަނީ މޫސުމަށް ސަމާލުވެ ރައްކާތެރި ފިޔަވަޅުތައް އަޅަން އިލްތިމާސްކޮށްފަ އެވެ. ޚާއްސަކޮށް ކަނޑު ދަތުރުފަތުުރުކުރާ ފަރާތްތަކުން، މިވަގުތު ކޮންމެހެން ކުރަންޖެހޭ ދަތުރެއް ނޫނީ ނުކުރުމަށާއި، ކޮންމެހެން ދަތުރެއް ކުރަން ޖެހިއްޖެ ހާލަތެއްގައި މުސުމީ މައުލޫމާތު ހޯދައި، ދަތުރު ފެށުމުގެކުރިން ސަލާމަތީ ފިޔަވަޅުތައް ކަށަވަރުކޮށް މުވާސަލާތީ އާލާތްތައް މަސައްކަތްކުރޭތޯ ޗެކްކުރުމަށްފަހުގައި ދަތުރު ފެށުމަށް އިލްތިމާސްކޮށްފައި ވެއެވެ.