މޫސުމާ ބެހޭ ގައުމީ އިދާރާއިން މުޅި ރާއްޖެއަށް ވައިޓް އެލާޓް ނެރެފި އެވެ.
މެންދުރު 12:00 އިން ހަވީރު 06:00 ޖެހުމާާ ހަމަޔަށް ނެރެފައިވާ މި އެލާޓްގައި ބުނެފައިވަނީ ބޯކޮށް ވާރޭ ވެހުމާއެކު، ގަޑިއަކު 40 މޭލަށް ވައިގަދަވާނެކަމަށެވެ.
މެޓް އޮފީހުން މިއަދު އެންމެ ފުރަތަމަ ހެދުނު 06:00 އިން މެންދުރު 12:00 ޖެހުމާ ހަމަޔަށް ކ އަތޮޅުން އައްޑޫ ސިޓީއާ ހަމަޔަށް ވައިޓް ނެރުނެވެ. އޭރު އެލާޓްނެރެފައިވަނީ ބޯކޮށް ވާރޭވެހި، ވިލާގަނޑުގައި ގަޑިއަކު 40 މޭލަށް ވައި ގަދަވާނެކަމަށް ލަފާކުރެވޭ ކަމަށެވެ.
އަދި، ފަތިހު 04:30 އިން ހެނދުނު 09:00އާ ހަމަޔަށް،، ހއ އިން ފެށިގެން ކ އަތޮޅާ ހަމަޔަށްވެސް އޮތީ ވައިޓް އެލާޓް ނެރުނެވެ. އެ ސަރަހައްދަށް އެލާޓް އޭރު ނެރުނީ، އެއަތޮޅުތަކަށް ގަޑިއަަކު 19 މޭލާއި 24 މޭލާ ދެމެދުގެ ބާރު މިނުގައި ވައިޖެހޭނެކަމަށް ލަފާކޮށްނެވެ. އަދި، ވައިޖެހި ކަނޑުތައް ގަދަވާނެކަމަށްވެސް ލަފާ ކޮށްފައި ވެއެވެ.