ގދ. ނަޑެއްލާގައި ދޮށީ ކަނދުފައްޗެއް ގާއިމުކޮށްފި އެވެ.
ކަނދުފަތި ހަރުކޮށްފައިވަނީ މިއަދުގެ ވަގުތެއްގައި ކަމަށާއި، ކަނދުފަތި ގާއިމުކޮށްފައިވަނީ، ނަޑެއްލާގެ ހުޅަނގު ދެކުނުން 15 މޭލު ބޭރުގައި ކަމަށް ފިޝަރީޒް މިނިސްޓްރީން ބުނެއެވެ.
ދޮށީ ކަނދުފަތީގެ ނަންބަރަކީ P09D02 އެވެ.
މި ސަރުކާރުން ރާއްޖޭގެ އެކި ސަރަޙައްދުތަކުގައި މިހާތަނަށް 19 ކަނދުފަތި އަޅާފައިވާއިރު، އޭގެތެރޭގައި ހިމެނެނީ 7 ސްޕޯރޓްސް ކަނދުފައްޗާއި، 12 ދޮށީގެ ކަނދުފައްޗެވެ.
ރާއްޖޭގެ އެކި ސަރަހައްދުތަކުގައި މިހާރު 80 ކަނދުފައްޗެއް އަޅާފައި ވެއެވެ. އެއީ 65 ދޮށީގެ ކަނދުފައްޗާއި، 15 ސްޕޯރޓްސް ކަނދުފައްޗެވެ.