ގއ. ކޫއްޑޫ މަސް ފެކްޓަރީގައި މަސައްކަތްކުރާ ބިދޭސީންތަކެއް ފައިލޭރިއާއަށް ޕޮޒިޓިވް ވެއްޖެ އެވެ.
ފައިލޭރިއާއަށް ޕޮޒިޓިވްވެފައިވަނީ އެ ފެކްޓަރީގައި މަސައްކަތްކުރާ އިންޑިއާ ތިން މީހުންނެވެ. އެމީހުން ފައިލޭރިއާއަށް ޕޮޒިޓިވްވީކަން ދެނެގަނެވުނީ، އެމީހުންގެ މަސައްކަތުގެ ކޮންޓްރެކްޓް އާ ކުރަން މިދިޔަ ބުރާސްފަތި ދުވަހު ހެދި ތަހުލީލުތަކުންނެވެ.
މި ތިން މީހުންވެސް މިހާރުވަނީ، ގއ. ވިލިނގިލީ ހޮސްޕިޓަލުން ފަރުވާ ހޯދުމަށްފަހު އަލުން ވަޒީފާއަށް ނިކުންނަން ފަށާފަ އެވެ.
ކޫއްޑޫ މަސްފެކްޓަރީގައި 395 ބިދޭސީން މަސައްކަތް ކުރެއެވެ.