އިންޑިއާގެ އެހީތެރިކަމާއެކު ކުރިޔަށްގެންދާ މަސްވެރިކަމާއި ގުޅުންހުރި މަޝްރޫއުތަކާއި ގުޅޭގޮތުން މަޝްވަރާކޮށްފި އެވެ.
މި މަޝްވަރާ ކުރިޔަށްދިޔައީ ރާއްޖޭގައި ހުންނަވާ އިންޑިއާގެ ސަފީރު މުނޫ މަހާވަރު މިއަދު ފިޝަރީޒް މިނިސްޓަރު އަހްމަދު ޝިޔާމަށް ކުރެއްވި އިހުރިތިރާމުގެ ޒިޔާރަތުގެ ތެރެއިންނެވެ.
މި މަޝްވަރާގައި މައިގަނޑުގޮތެއްގައި އަލިއަޅުވާލެއްވީ މަސްވެރިކަމުގެ ދާއިރާގެ ތަރައްގީއަށް އިންޑިއާގެ އެހީތެރިކަމާއެކު މިހާރު ކުރިޔަށްދާ މަޝްރޫއުތައް ފުރިހަމަކުރުމުގައިހުރި ގޮންޖެހުންތައް ހައްލުކުުރުމަށް ކުރެވިދާނެ ކަންތައްތަކާއި ގުޅޭގޮތުންނެވެ. އަދި މުސްތަގުބަލުގައި ގުޅިގެން މަސައްކަތްކުރުން ހަރުދަނާކުރުމާއި ގުޅޭގޮތުންވެސް މަޝްވަރާ ކުަރައްވާފައި ވެއެވެ.
މި ބައްދަލުވުމުގައި އިންޑިއާ ހައިކޮމިޝަންގެ އިސްވެރިންނާއި ފިޝަރީޒް މިނިސްޓްރީގެ އިސްވެރިން ބައިވެރިވެފައި ވެއެވެ.
ފެލިވަރު ތަރައްގީ މަޝްރޫގައި ހިމެނޭ ބައިތައް
- 4،000 މެޓްރިކް ޓަނުގެ ކޯލްޑް ސްޓޯރޭޖެއް ހެދުން
- ދުވާލަކު 100 ޓަނު ޕްރޮސެސްކޮށް ޕައުޗް ބަންދު ކުރާނެ ތަނެއް
- ބްރައިން ފްރީޒިން ފެސިލިޓީ ހެދުން
- ރެފް ރިޖަރޭޓަޑް ސީ ވޯޓާ ފެސިލިޓީއާ ހެދުން
- ފިޝްމީލް ޕްލާންޓެއް ހެދުން
މަޝްރޫއުގެ މަސައްކަތްތައް ފަށައިގެން ކުރިޔަށް ދިޔަނަމަވެސް، މި މަސައްކަތުގެ ތަފްސީލު އަދާހަމަވެފައެއް ނުވެއެވެ.