ކަނދުފަތީގެ މަސައްކަތްކުރާ ފަރާތްތަކުގެ މަސައްކަތް ފާހަނގަކުރައްވައި ފިޝަރީޒް މިނިސްޓަރު އަހްމަދު ޝިޔާމް ޝުކުރު އަދާކުރައްވައިފި އެވެ.
ފިޝަރީޒް މިނިސްޓަރު ވަނީ އިއްޔެ ހުޅުމާލޭގައި ހުންނަ ކަނދުފަތި ހެދުމުގެ މަސައްކަތް ކުރިޔަށްގެންދާ މަރުކަޒަށް ޒިޔާރަތް ކުރައްވާ، އެމަސައްކަތް ކުރާ މުވައްޒަފުންނާއި ބައްދަލުކުރައްވައި މަސައްކަތް ކުރިޔަށްގެންދާގޮތް އޮޅުން ފިލުއްވާފަ އެވެ. އަދި އެ މުވައްޒަފުން ކުރަމުން އަންނަ ބުރަ މަސައްކަތް ފާހަގަކުރައްވައި ޝުކުރު އަދާ ކުރައްވާފަ އެވެ.
މިނިސްޓަރުގެ މި ޒިޔާރަތުގައި ވަނީ، ކަނދުފަތި އުފެއްދުމުގެ ޕްރޮގްރާމްގެ މަސައްކަތްތައް ކުރިޔަށްގެންދާ ފަރާތުން، ކަނދުފަތިތައް ގިނަ ދުވަހު ބޭނުންކުރެވޭގޮތަށްް ފެންވަރު ރަނގަޅުކޮށް ހެދުމުގެ މުހިންމުކަން ފާހަނގަކުރައްވާފަ އެވެ.